تقرير رحلة الجمعه من سويحان الى الختم 18-03-2011

السلام عليكم ورحمة الله وبركاته ..

اجتمعنا في محطة بترول الختم وكنا كالتالي :

1- عادل الكندي - جيب شيروكي
2- محمد الحامد - جيب رانجلر
3- مصبح الرميثي - نيسان كبسوله
4- بوعوف - نيسان فتك
5- سالم الخنبشي - اف جيه
6- منصور المرشودي - نيسان كبسوله

وتحركنا بحدود الساعه 3 من المحطه بعد التزود بالوقود والماكولات الخفيفه والماي والعصير ..

بعد كم كيلو من المحطه ..

قررت سيارة أبوطلال انها تتراجع في اللحظه الاخيره وبطريقه تعور القلب .. حيث ان الشفت طاااح وبو طلال يحليله من الصبح واعي ومتعبل وساير مصفح Mad

ماعليه .. هاردلك يابوطلال ..

المهم .. كعادتنا ... مافي شي يوقف فالويه .. وقفننا السياره في اقرب مواقف .. وكملنا دربنا .. وصلنا لجسر الساد وانظم لنا احمد البلوشي بالجيب الاحمر .. وبذلك صرنا 7 سيايير ..

وصلنا الدفليشن بوينت .. وربخنا توايرنا وصلينا وانتضرنا باقي الشباب يوصلون .. كاليميرو والحمادي .. وبعدها بدينا نقطع على رملة سويحان الذهبيه .. والروت العجيب الي اختاره محمد الحامد كان حلو ومناسب لجميع المستويات عجيييييييييييييييب

..

وصلنا لحقنة معروفه في سويحان .. وصادفنا شلة شباب مخترشين tornado

ماشاء الله عليهم .. مواتر مزوده وسواقه حلوه .. احلى موتر كان الجيب الزيتوني الي عند المطوع .. مكينتة ال اس وتزويده فووول Twisted Evil

في هذي اللحظه انظم لنا خالد المقبول وصار عددنا 10 سيايير ..

لسوء الحظ .. الوقت ما كفى وطلعنا من الخزنه ..

بشكل عام .. الرحله كانت حلوه وممتعه وفرصه سعيده تعرفنا على شباب اول مره نشوفهم .. والشباب الي ما يووو نقولهم اليايات اكثر ..

عادل الكندي .. شخبار الوحش صلحته ولا بعدك ؟؟
محمد الحامد .. شيك عالبرمجه لاني احس فيه شي غلط Rolling Eyes

مصبح الرميثي .. نايس Jump thumbgoodjob

بوعوف .. فرصه سعيده تلاقينا وياك وان شاء الله مب آخر مره
سالم الخنبشي .. كل يوم عن يوم تطور .. ارجو انك تسجل هني وتشارك الشباب goodjob

أحمد البلوشي .. حركة البونيت حلوه .. Good JoB
كاليميرو .. V8 Inside Twisted Evil

الحمادي .. موترك يباله خفايف .. وبيتعدل pirat

خالد المقبول .. مشكووور ل انظمامك للرحله
منصور المرشودي >>> كان عنده سندويجات جبن وبطاط عمان .. واكل لين قال بس .. وما عزمكم .. ابو انذاله خخخخخخخ Razz

شباب .. الي عنده ملاحظات او اي شي يقوله بخصوص الطلعه لا يتردد .. ارائكم وملاحظاتكم اهم شي لتطوير النادي والرحلات ..

السموحه عالقصور .. ونلقاكم ان شاء الله في طلعات يايه ..

اخوكم .. منصور المرشودي

Marshal Posts : 126 Join date : 15/02/2010 Location : AD

شكلها الرحلة كانت أكثر من رائعة وما شا الله حظور حلو ربي يعطيكم العافية

ان شا الله اليايات أكون وياكم

باذن الله سيارة بوطلال بتكون احسن من قبل وبتتعدل أمور الأحمر Wink

أحلى التحايا لكم

وعليكم السلام

تسلم على التقرير المميز

الرحله كانت وناسه لولا شلة المخترشين اللي اخرونا شوي

نحن استمرينا بعد ما ترخصو باقي الشباب و خلصنا الرحله تقريبا ً 2am

Al Marshoudi كتب:: مصبح الرميثي .. نايس Jump

بخصوص الجمب صراحه قلبي يعورني لين الحين على النيسان هخهخهخههه

ما كنت قاصد اطيره بس ما انتبهت على الطريق لا تعليق

.:::::.

Posts : 10 Join date : 10/02/2011

الطلعة كانت وناسة وكملنا طريقنا الى الفاية وهناك شربنا الشاي ^ــــ^

يعطيك العافية منصور ع التقرير ^ـــ^

السلام عليكم شباب منصور <<<< أشكرك على التقرير الي أكثر من مميز و على الساندويش الي سرقته منك في الليل Laughing

كانت الرحلة جيده واستانسنا فيها

الرحلات تتعوض بس الشباب الي قابلناهم ما يتعوضون تقرير رحلة الجمعه من سويحان الى الختم 18-03-2011 6991

أشكر كل الي شاركوا في الرحلة >>> الله يعطيكم العافيه

بو عوف >>> طبعا بو عوف هو الي كان القائد لها الرحلة بعد اقل من نص ساعه من بداية الرحلة أشكرك على القيادة المتميزه و هذا مب شي يديد منك تقرير رحلة الجمعه من سويحان الى الختم 18-03-2011 595629

تقرير رحلة الجمعه من سويحان الى الختم 18-03-2011 595629

مصبح >>> انشاء الله النيسان يكون اوكيه وانشوفك في الرحلات الجايه Rolling Eyes

طبعا نحن كملنا من الخزنه للختم .... وبعدها لمحطة الختم ...تعشينا و خططنا لرحلة ثانيه بدت تقريبا الساعه 10:30

من الختم للفايه ومن الفايه لمصنع الطابوق القديم

كان الجزء الثاني من الرحلة ...... Very Happy

..... ضخك من الخاطر

تسلمووووو حبايبي و انشوفكم قريب انشاء الله

يعطيكم الف عافيه على هالتقرير الرائع المرشودي سلمت اناملك

بوحمد << ولو خيوو بوعوف في الخدمه Wink

وان شاء الله تتكرر مثل هاذي الرحلات بجمعت كل الشباب

Posts : 34 Join date : 02/04/2010

Marshal Posts : 144 Join date : 24/01/2010

يا سلام عليك يا المرشودي على هذا التقرير الحلو . عدلنا الجيب وتضاربت ويا البنغالي وعرفنا العوق وصلحناه

Posts : 2 Join date : 29/03/2011

السلام عليكم شباب ممكن صور سويحان من زمان خاطري أشوف سويحان bounce

uae-x-force كتب:: السلام عليكم شباب ممكن صور سويحان من زمان خاطري أشوف سويحان

في البدايه ارحب فيك في ناديك

اما عن الصور للاسف ما صورنا في هالرحلة لان كانت الرحله اكشن بزياده

بس ممكن تشوف ها الرابط اذا حاب تشوف سويحان

هذي رحلة قبل فتره للنادي وشاركوا فيها اخوانا من الكويت

http://www.addesert.com/gallery/Trips/Sweihan-Trip-Friday-December-3rd/Sweihan-Trip-Friday-December-3rd-cat_c39.htm

وانشاء الله انشوفك قريب

Posts : 5 Join date : 30/03/2011

لعيون بوحمد انا سجلت في المنتدى
واشكركم جميعا لاستمتاعي وياكم في الرحلة
من سويحان لغاية الختم ... ماقصرت يالحمادي
لاني كنت معاون له في السيارة .. وماقصرتوا
جميعا وشكرا على استضافتكم لي في رحلتكم ..
ان شاء الله لي طلعات ثانية وياكم

ابراهيم العيدروس

Alaidrous كتب:: لعيون بوحمد انا سجلت في المنتدى
واشكركم جميعا لاستمتاعي وياكم في الرحلة
من سويحان لغاية الختم ... ماقصرت يالحمادي
لاني كنت معاون له في السيارة .. وماقصرتوا
جميعا وشكرا على استضافتكم لي في رحلتكم ..
ان شاء الله لي طلعات ثانية وياكم

ابراهيم العيدروس

مرحبابك اخوي ابراهيم في ناديك .... وترا شيء رحله يوم الجمعه اذا حاب تسجل

وانشاء الله نشوفك Very Happy

Assistant Marshal Posts : 76 Join date : 30/10/2010

It seems that i have missed a very nice and interesting trip....

Yalla- A lot more to come, will certainly make it up during the next trips Wink

» رحلة الجمعه من سويحان الى الختم 18-03-2011
» تقرير رحلة الجمعه 5-11-2010 الفايه الختم مع الصور
» رحلة الجمعه 5-11-2010 الفايه الختم